කුඩු ගෙන්වන අය අල්ලා ගැනීම රජයේ මූලික පරමාර්ථය බව ජනපති කියයි

කුඩු ගෙන්වන අය අල්ලා ගැනීම රජයේ මූලික පරමාර්ථය බව ජනපති කියයිගොඩනැගිලි ද්‍රව්‍ය ගෙන්වන මුවාවෙන් බෝල්ට් ඇණ සමග පාකිස්ථානයේ සිට ගෙන්වූ කන්ටේනරයක තිබී හෙරොයින් කිලෝ 36 පසුගියදා සොයාගැනුණි. එහි වටිනාකම රුපියල් කෝටි 36 ක් බව පැවසේ.

මීට පෙරද ගෙන්වූ හෙරොයින් කිලෝ ගණන් වරායේදී හසුවුණු අතර හික්කඩුව ප‍්‍රදේශයේදී හොරොයින් කිලෝ 10ක් සොයාගැනුණි.

කුඩු පමණක් නොව එතනෝල් ගෙන්වීමද පසුගිය කාලයේ ජයටම කෙරුණු අතර ඒවාට චෝදනා එල්ලවූයේ බාර් සියයකට ආසන්න සං‍ඛ්‍යාවක් අයිති රජයේ ඇමතිවරයෙකුට, රජයේ පාර්ලිමේන්තු මංත්‍රීවරයෙකුට හා ඔවුන්ගේ ගෝලබාලයන්ය.

පසුගිය කාලයේ කිරිපිටි පැකට් වෙළඳපොළේ හිඟ වෙද්දී කුඩු පැකට් හිඟ නොවන තත්වයක් තිබූ බව එක්සත් ජාතික පක්ෂය පැවසූ අතර අගමැතිවරයාට එල්ලවූ කුඩු කන්ටේනරයක් ගෙන්වීමේ චෝදනාව යට ගියේ ගයේෂා හා ජින්ජර්ට පිංසිද්ධ වෙන්නටයි.

වරක් මාදුළුවාවේ සෝභිත හිමියන් මෙම කුඩු ගෙන්වීම පිළිබඳව ප්‍රකාශ කර තිබුණේ "මැති ඇමතිවරු කුඩු ගේනවා. පොලීසිය කුඩු විකුණනවා" යනුවෙන් බව අප විසින් හෙළි කරන ලදි.

කුඩු ගෙන්වීම හා බෙදාහැරීම පිළිබඳ කැළණිය ප්‍රදේශයේ හා කොළොන්නාව ප්‍රදේශයේ පුද්ගලයන් දෙදෙනෙකුට චෝදනා එල්ලවූවත් කුඩු ගෙන්වීමට මූලික වන එම පුද්ගලයා ලංකාවේ නීතිය අනුව හසුකරගැනීමට මෙතෙක් කල් සිදු නොවුනේ ඔවුන් රජයේ ප්‍රබල තනතුරු දරන්නන් නිසාය.

මීගමුව ප්‍රදේශයේ කුඩු සෙවීම සඳහා වරක් හමුදාව විසින් නිමල් ලංසාගේ නිවසා සෝදිසි කළ අවස්ථාවේ පසුවදාම එහි ගොස් එම සෝදිසි කිරීම පිළිබඳව සිය කණගාටුව ප්‍රකාශ කර තිබුණේ ජනාධිපතිවරයා විසිනි.

ලංකාව කුඩු පාරාදේසයක් වීම පිළිබඳව ජනාධිපතිවරයාගෙන් ජනතාව ප්‍රශ්නකර තිබූ අතර ඔහු පිළිතුරුදී තිබුණේ කුඩු ගෙන්වීමට මූලික වන පුද්ගලයන් ඇල්ලීමට රජය කිසිවිටෙක පසුබට නොවන බවයි.

"කුඩු බොන අය නෙවෙයි අල්ලන්න ඕනේ කියන එකයි මගේ නම් විශ්වාසය. කුඩු මේ කට්ටියට පොවන අය අල්ලා ගැනීම තමයි අපේ මූලික පරමාර්ථය වෙලා තියෙන්නේ. ඒ සඳහා අවශ්‍ය සෑම වැඩ පිළිවෙලක්ම ගන්න කියලා හමුදාවට හා පොලීසියට අපි දන්වලා තියනවා. මත්ද්‍රව්‍ය පිළිබඳව කටයුතු කිරීමට අපි කිසිවිටෙකත් පසුබට වෙන්නේ නෑ. තරාතිරම බලන්නේ නෑ."

ලන්සා හා බුද්ධදාස මැතිවරණ නීති උල්ලංගනය කිරීමේ පෙරමුණට

දකුණු හා බස්නාහිර පලාත් සභා මැතිවරණය උණුසුම් වෙමින් පවතින මේ මොහොතේ කැෆේ සංවිධානයට හා පැෆ්රල් සංවිධානයට මැතිවරණ නීති උල්ලංගනය කිරීම් රැසක් පිලිබද පැමිණිලි ලැබී ඇති අතර පොලීසිය වෙත ලැබෙන පැමිණිලි සීමා කිරීමකට ලක් වී ඇති බවත් වාර්තා වේ. 

ඒවා අතර පුද්ගල පහරදීම් හා රජයේ දේපල අනිසි භාවිතය පිලිබද පැමිණිලි වැඩි වී තිබේ.

කෙසේ නමුත් බස්නාහිර පලාතේ ගම්පහ දිස්ත්‍රික්කයට තරග වදින හිටපු ප්‍රධාන අමාත්‍ය ප්‍රසන්න රණතුංග හා නිමල් ලන්සා අතර දැඩි තරගයක් දක්කට ලැබෙන අතර දෙදෙනාම වෙනුවෙන් රජයේ දේපල පරිහරණයට ලබා දී තිබෙන අතර නිමල් ලන්සා මෙවර වැඩිම වියදමක් දරණ අපේක්ෂකයා වීමට වැඩි ඉඩකඩක් ඇත. 

ඔහු වෙනුවෙන් වාහන 5000ක් පමණ මැතිවරණ ප්‍රචාරක ස්ටිකර් අලවා ඇති අතර එය නීතියට අනුව දඩුවම් ලැබිය යුතු වරදකි. වාහන සැරසීමට අවසර ඇත්තේ අපේක්ෂකයාගේ වාහනය පමණි. ඊට නොදෙවෙනි ප්‍රසන්න රණතුංගද වාහන 3500කට අධික ප්‍රමාණයක හා ත්‍රී රෝද රථ 5000ක තම මැතිවරණ පුවරු ප්‍රදර්ශනය කොට ඇත. 

ප්‍රසන්න රණතුංග විසින් ඔහුගේ කිසිදු නිල වාහනයක් නැවත ලබා දී නොමැති අතර ඒවා අමු අමුවේ ඡන්ද ව්‍යාපාරය වෙනුවෙන් යොදවා ඇත. නිමල් ලන්සා මෙවර මහ ඇමතිධුරය වෙනුවෙන් මෙලෙස වියදම් කරන අතර ඔහුගේ ඡන්ද ව්‍යාපාරයට රු. මිලියන 100ක මුදලක් රජයේ ප්‍රභල අමාත්‍යවරයෙකුගේ පුත්‍රයෙකු විසින් ලබාදී ඇති බවද සදහන් වේ. 

කොළඹ දිස්ත්‍රික්කය වෙනුවෙන් උදය ගම්මන්පිල හා මංජුල බුද්ධදාස අතර දැඩි තරගයක් දැකීමට හැකි වුවත් උදය ගම්මන්පිල මෙවර සංධානයෙන් වාර්ථාගත මනාප සංඛ්‍යාවක් ලබාගනු ඇතැයි සියළු දෙනා විස්වාස කරන්නේ සන්ධාන අපේක්ෂකයන් අතුරින් ඔහු සන්ධානයේ හෝ නිදහස් පක්ෂයේ සමාජිකයෙකු නොවන නිසාවෙනි. 

විමල් වීරවංශ විසින් ඔහු වෙත රු. මිලියන 20ක මුදලක් ලබාදී ඇති අතර රැකියා 300ක්ද බෙදා දීම සදහා ලබාදී තිබේ. ඊට හේතුව මංජුල බුද්ධාදාස පැරදවීමට ඇති අවශ්‍යතාවයයි. ඒ වෙනුවෙන් ඔහු දැඩි ලෙස කැපවනු දැකිය හැක. මංජුල බුද්ධදාස මෙවර ප්‍රථම වතාවට ඡන්දය සදහා ඉදිරිපත් වන්නේ කඩුවෙල පුරපති ජී එච් බුද්ධාදාසගේ පුත්‍රයා ලෙසය. 

ඔහු මැතිවරණය වෙනුවෙන් මෙවර අපේක්ෂකයෙකු සංවිධානය කල දැවැන්තම රථ පෙලපාලිය සංවිධානය කලේ මෝටර් රථ 500කට ආසන්නව යොදා ගනිමිනි. ඔහුගේ රථ වල පිංතුර ඇලවීම සදහා අනුග්‍රහකත්වය දරන්නේ කඩුවෙල ව්‍යාපාරික සංගමය හා නුගේගොඩ ප්‍රදේශයේ ව්‍යාපාරිකයෙකි. ඔහුද වාහන 4000කට අධීක ප්‍රමාණයක ස්ටිකර් අලවා ඇත්තේ ඩිස්කවරි හමර් ප්‍රාඩෝ හා මිල අධික වාහනද ඇතුලුව වේ. 

මැතිවරණ ව්‍යාපාරය තුල තහනම් කර ඇති සැරසිලි වැඩිම ප්‍රමාණයකට හිමිකම් ලබන්නේ මංජුල බුද්ධදාස හා නිමල් ලන්සා වේ. ඔවුන්ගේ ආධාරකරුවන් සිදුකරන ලද පහරදීම් කිසිවක් පොලීසිය විසින් භාර නොගන්නා බවත් එසේ පැමිණිල්ලක් කිරීමට පැමිණියහොත් එකී පුද්ගලයාගේ විස්තර ලබාගෙන නැවත පහරදීම් සිදු කරන බවත් පොලිස් ආරංචි මාර්ග සදහන් කරයි. 

කුඩු කන්ටේනරයේ හිමිකරු ගෙදර ඇවිත් කෑමත් කෑවා- අගමැති

කුඩු කන්ටේනරයේ හිමිකරු ගෙදර ඇවිත් කෑමත් කෑවා- අගමැති

• මට ලේකම්ලා 10ක් ඉන්නවා.
• කන්ටේනරය නිදහස් කරන්න කියලා ලේකම්ට කිව්වේ මගේ පුතා
• සෝබිත චීවරධාරියා නගරසභාවට කෙනෙක් දාන්න හැදුවා. දැම්මේ නෑ.

කුඩු කන්ටේනරයක් නිදහස් කිරීමට ලිපියක් නිකුත් කිරීම නිසා අගමැතිවරයා ඉල්ලා අස්විය යුතු බවට චෝදනා නැඟෙද්දී ඔහු විසින් සෝභිත හිමියන්ට චීවරධාරියා ලෙස ආමන්ත්‍රණය කිරීම නිසා එම ගැටුම තවත් වැඩි වුණා.

මේ අතර අගමැති පුතාගේ ජන්ද වැඩට මුදල් වියදම් කළේ මෙම කුඩු කන්ටේනරයේ හිමිකරුවන් බවට පසුගිය කාලයේ චොදනා නැඟෙද්දී අගමැතිවරයා පැවසුවේ එය නිදහස් කිරීමට ලේකම්ට කිව්වේ තම පුතා බවයි.

කුඩු කන්ටේනරයේ හිමිකරු තමන්ගේ නිවසට පැමිණ කෑම කෑ බවත්, සෝභිත හිමියන් තමන්ට චෝදනා කරන්නේ ගම්පොල නගර සභාවට කෙනෙක් දාගත නොහැකිවූ නිසා බවත් අගමැතිවරයා ඊයේ පැවසුවා.

"වෙන අමාත්‍යාංශ වල ඉන්නේ ලේකම්ලා එක්කෙනයි. ඒත් මට දහ දෙනෙක් ඉන්නවා. එක එක්කෙනාට එක එක වැඩ බාර දීල තියෙන්නේ. මේ විට්ටච්චි ආවා.

ආ වාඩි වෙන්න, යාලුවෙක් ඉන්නවා. කෑම ටිකක් කමු. ආ එන්ඩ කියන්න එන්ඩ කියන්න. ආවා. මෙයා ලංකාවේ මනුස්සයෙක් නෙවෙයි. මම කවුද කියලා අහපුවහම කිව්වා අම්මා ඩුබායි ඉන්නවා, මමත් එහේ ගියා, එතකොට මෙයා ඇවිල්ලා තියනවා...ආ එහෙමද, එහෙනම් කෑම ටිකක් කමු කිව්ව

එතකොට මෙයා තේකොල ගෙනියන්නද මොනවද ගෙනියන්න ආවා, මට හරියටම මතක නෑ. පස්සේ වත්තක් බලන්නත් ගිහින් තියනවා. එතකොට පුතාට කියලා තියනවා මෙයා , කවුද විට්ටච්චි, මෙයා මගේ යාලුවෙක්. බඩුවගයක් ගෙනල්ලා තියනවා. මාස දෙකක් විතර වරායේ තියෙන්නේ ගන්ඩ විදිහක් නෑ, හරි මුදලක් අය වෙලා තියනවා මාස දෙකක් නිසා, ඒක ටිකක් අඩු කරලා හදලා දෙන්න කියලා

පුතා කතා කරලා කියලා තියනවා කීර්තිට, මේක පොඩ්ඩක් බලන්නකෝ කියලා. එච්චරයි.

මෙයා දන්නේ නැතුව ලිව්වද කොහොම ලිව්වද දන්නේ නෑ, ලියුමක් ලියලා තියනවා. ඒක ඇත්ත. එයා දන්නෙත් එච්චරයි. විට්ටච්චි දන්නෙත් ඔච්චරයි. පුතා දන්නෙත්, මම දන්නෙත් එච්චරයි.

පස්සේ මේක ඇරලා බලනකොට ටින් වල හෙරොයින් කියන එක තිබිලා තියනව,

සෝභිත කියලා චීවරධාරියෙක් කියලා තියනවා මේ විදිහට හෙරොයින් වලට ලියුම් යවලා තියනවා කියලා. අගමැති රිමාන්ඩ් කරන්න කියලා. අගමැති අස්වෙන්න ඕනේ කියනවා. ඉතින් බලන්න, සිවුරක් පොරවාගත්ත මනුස්සයෙක් ඔය විදිහට කතා කරනවදා? එයාට පොලිස් බලතල තියනවද? නඩුකාරයෙකුට විතරයි කියන්න පුළුවන්

මෙයා ගම්පොල නගරසභාවට බවලත් කෙනෙක් දාන්න හැදුවා. දැම්මේ නෑ. ඕන්න විරුද්ධ වෙන්න හේතුව."

තංගල්ලේ සභාපති තවමත් නිදැල්ලේ

අධිකරණයේ පෙනී නොසිටීම නිසා, රුසියානු ජාතික තරුණියක් සමූහ දුෂණයකට ලක් කරමින් ඇයගේ බ්‍රිතාන්‍ය ජාතික පෙම්වතා මරාදැමූ තංගල්ල ප්‍රාදේශීය සභා සභාපති සම්පත් විදානපතිරණ ට පසුගිය 9 වනදා කොළඹ මහාධිකරණය වරෙන්තුවක් නිකුත් කෙරුණි.

නමුත් ඔහුව අත් අඩංගුවට ගැනීමට තවමත් අපරාධ පරීක්ෂණ දෙපාර්තමේන්තුවට නොහැකිවී තිබේ. 

කොළඹ මහාධිකරණයේදී රෝහිනී වල්ගම විනිසුරුවරිය ඉදිරියේ නඩුව විභාගයට ගත් අවස්ථාවේදී එදින සියළුම විත්තිකරුවන් අධිකරණයට පැමින සිටි නමුත් තුන් වන විත්තිකරු වන සම්පත් චන්ද්‍ර පුෂ්ප පැමිණ සිටියේ නැහැ.

ඔහු අධිකරණය මඟ හැර තිබුණේ ගාල්ලේ පසුද්ගලික රෝහලක නැවතී ප්‍රතිකාර ගන්නා බව අධිකරණයට දැන්වමිනි

2011 දෙසැම්බර් 25වනදා මෙම සමූහ දූෂණය හා මිනී මැරුම සිදුවී මේ වනවිට වසර 2කට අධික කාලයක් ගතවී තිබේ.

මොවුන්ට නඩු නොපැවරීම නිසා මීට පෙර කිහිපවිටක්ම බ්‍රිතාන්‍ය තානාපතිකාර්‍යාලය විසින් මෙම සිද්ධියට නඩු පවරන බව පවසා තිබුණි.

Boy Who Has Been Killed

මත්තල මොනරු ගැටීමෙන් හෙළිවන පාරිසරික ගැටළුව

පසුගිය සෙනසුරාදා දින මත්තල සිට දොහා කටාර් රාජ්‍යය දක්වා ගමන් ගත් ගුවන් යානයක මොනරුන් දෙදෙනෙක් ගැටීමෙන් සිදුවූ අනතුරක් ගැන පුවතක් මෙයට පෙර අප විසින් හෙළිකරන ලදී.

බෝයිං 737 වර්ගයට අයත් මෙම ගුවන් යානය Fly Dubai ගුවන් සේවයට අයත් වූවක් වන අතර එය ගමන් අරඹා තිබුණේ කටුනායකිනි. මත්තලට ගොඩබැස්වූ එය මැදපෙරදිග බලා පිටත්ව යන පුහුණු ශ්‍රමිකයන් 28 දෙනෙකු ඇතුළු මඟීන් 181 දෙනෙකු සමඟ ගමන් ආරම්භ කරන අතරතුර මෙම අනතුර සිදුවී තිබුණි.

එම අනතුර සිදුවීමෙන් විශාල හානියක් ගුවන් යානයට සිදු නොවුවත් එම අවස්ථාවේ එහි සිටි විදේශිකයන් කලබලයට පත්ව ඇත. ගුවන් සේවිකාවන් විසින් ඔවුන්ට සහය වී ඇතිඅතර කලබලයට පත්වූ විදේශිකයන් ඉන් බස්වා මත්තල ආසන්නයේ හෝටල් වල පහසුකම් ලබා දී ඇත්තේ එම අනතුර නිසා කල් දැමුණු ගුවන් ගමන නැවත යාමට ටික වෙලාවක් ගතවූ බැවිනි. 

2013 වසරේ මාර්තු මස මත්තල ගුවන්තොටුපොළ ආරම්භ කිරීමෙන් අනතුරුව මෙවන් අනතුරක් වූ තෙවැනි අවස්තාව මෙය වේ. අධිවේගී මාර්ගයක් ඉවත්කළ පසු එහි ගැවසෙන සුනඛයන් ඉවත්කළ හැකිවුවද මෙවැනි පරිසරයක ගුවන් පථයක් ඉදි වුවිට එහි සිටින සතුන් ඒ ආශ්‍රයෙන් ඉවත් කිරීම ලෙහෙසි පහසු නොවේ. ආරම්භයේදීම සිදුවූ අනතුරක් හේතුවෙන් එවන් අනතුරු වැළකීම සඳහා ගුවන්තොටුපොළ අධිකාරීන් විසින් වනසතුන් ගැවසෙන ජාල උල්පත් වසා දැමීමට ක්‍රියාකොට තිබුණි.

එයට අනතුරුව රතිඤ්ඤා පත්තුකොට කුරුල්ලන් එලවීමටද කටයුතු යොදා තිබුණි. වාර්ෂිකව ලංකාවට පැමිණෙන සංචාරක පක්ෂීන්ගේ වාසස්ථාන බොහොමයක්ද පිහිටා ඇත්තේ මත්තල ගුවන්තොටුපොළට ආසන්නයෙන් බව පරිසරවේදීන් විසින් පෙන්වා දී ඇතිඅතර ගුවන් ගමන් වලට එයින් අහිතකර ප්‍රතිඵල ඇතිවිය හැකි බවත් එයට වහාම ක්‍රියාමාර්ග ගන්න ලෙසත් ඔවුන් පෙන්වා දී ඇත.

පසුගිය සතියේ නිකුත් කල වාර්තා වලට අනුව මත්තල ආසන්නයේ සිටි මොනරුන් සිය ගණනක් හම්බන්තොට නගරයට හා ඒ ආසන්න ප්‍රදේශ වෙත ගොස් ඇත. එයට හේතුවී ඇත්තේ ගුවන් යානා වලින් නිකුත් වන අධික ශබ්ධය ඔවුන්ට ගෝචර නොවන නිසාවෙනි.

ආණ්ඩුවෙන් කුඩු ගේනවා, පොලීසියෙන් විකුණනවා- මාදුළුවාවේ සෝභිත හිමි

මීට මාස කිහිපයකට පෙර මාදුළුවාවේ සෝභිත හිමියන් විසින් පවසා තිබුණේ ලංකාවේ අධිකරණයයි නීතියයි බල්ලට ගිහින් තිබෙන බවයි.

කැසිනෝ විරෝධී ව්‍යාපාරය සංවිධානයනය කල සම්මන්ත්‍රණයක් ඊයේ කලුතරදී පැවැත්වුණා

එහිදී මාදුළුවාවේ සෝභිත හිමියන් ප්‍රකාශ කළේ ආණ්ඩුව කුඩු ගෙන්වන බවත්, පොලීසිය විකුණන බවත්ය.

"විෂ මත්පැන් වලින් මුලු දේශයම විනාශ වෙනවා අපේ ඇහැට පෙනි පෙනී. දැන් පාර්ලිමේතුවේදී අමුණුගම ඇමතිතුමා අත දික්කරලා කියනවා මේකට අපේ ඇමතිවරු සම්බන්ධයි කියලා. අපි නෙවෙයි කියන්නේ, අමුණුගම ඇමතිතුමා

එතකොට දෙයියනේ රජයම සම්බන්ධ නම් කුඩු වලට, එතනෝල් වලට, කාටද දෙයියනේ මේ ගැන කියන්නේ? වැටත් නියරත් ගොයම් කා නම් කාට පවසමි අමාරුව? කාටද කියනෙනේ මේ විපත්තිය?

දැන් මැති ඇමතිවරු කුඩු ගේනවා. පොලීසිය කුඩු විකුණනවා. වැල්ලම්පිටිය පොලීසියේ ස්ථානාධිපතිතුමා කුඩු විකුණලා අහු වෙලා, එයාගේ නෝනත් අහුවෙලා. මේක හොඳ ජාවාරමක් යන්නේ. ආණ්ඩුවෙන් ගේනවා, පොලීසියෙන් කුඩු විකුණන

ගතවූ පැය 48ක කාලය තුල පමණක් පොලීසිය විසින් ගංජා වැටලීම් 272ක් සිදුකර තිබෙන බව පොලිස් මාධ්‍ය ප්‍රකාශකවරයා පවසනවා.

මෙවැනි වැටලීම් වලින් 2011 වසරේ සිට මේ දක්වා ගංජා කිලෝ 180,000ක් හා සැකකරුවන් ලක්ෂයක් අත් අඩංගුවට ගෙන තිබෙන බවයි ඔහු පවසන්නේ. එම වීඩියෝව පහතින්.

http://www.youtube.com/watch?v=UMuYhx5vkEI

රේගුවේ ආදායම් අධීක්ෂණ අංශයට ලැබුණු බුද්ධි තොරතුරකට අනුව ඊයේත් එතනෝල් කන්ටේනරයත් අත් අඩංගුවට ගත්තා. 

කොටගේන ප්‍රදේශයේ ආයතනයක තිබූ නමකට එය ආනයනය කර තිබුණා. සොයාගන තිබූ එතනෝල් ප්‍රමාණය බැරල් 80ක් වේ

මේ වනවිට රේගුව විසින් අල්ලාගත් එතනෝල් කන්ටේනර් ගණන මෙසේය.

2013 මාර්තු 13- එතනෝල් කන්ටේනර් 2යි- බැරල් 310යි- ලීටර් 62,000
2013 දෙසැම්බර් 07- කන්ටේනර් 07යි- බැරල් 392යි- ලීටර් 74,000යි
2013 දෙසැම්බර් 21- කන්ටේනර් 01යි- බැරල් 80යි- ලීටර් 16,000යි
2014 ජනවාරි 07- කන්ටේනර් 01යි- බැරල් 80යි- ලීටර් 16,000යි

කුඩු ලොක්කන්ට සැලියුට් ගසන අතරේ සොක්කන් අකුලන් යන හැටි

රටටම පිළිලයක් වූ වූ මත්ද්‍රව්‍යය බෙදාහරින දේශපාලකයන්ගේ සරම පල්ලේ වැඳ වැටෙන, සැලියුට් ගසන ලංකාවේ පොලීසිය එම කුඩු ව්‍යාපාරය සිදුකරන දේශපාලඥයන් විසින් තරුණ පරපුරට කුඩු බෙදීමෙන් අනතුරුව ඔවුන් සතු කුඩු අල්ලන්නේ තිරිසනෙකු කුදලාගෙන යාමටත් අන්ත ලෙසය.

කුඩු ලොක්කෝ නිදැල්ලේ සමාජ වරප්‍රසාද ලබද්දී කුඩු මාෆියාවට ඇබ්බැහි වූ තරුණ පරපුරට සමාජයේ අත්වන්නේ අන්ත දුක්ඛිත ඉරණමකි.

පහත වීඩියෝවෙන් දැක්වෙන්නේ තරුණයෙකු මත්ද්‍රව්‍යය තබාගෙන හසුවී ඔහුව පොලිසිය විසින් අත්අඩංගුවට ගන්නා ආකාරයයි. සිය දෙමාපිය සොහොයුරිය ඉදිරියේ පොලිසියේ කුණුහරුප අසමින් ඔහුට පොලසි රථයට නැගීමට සිදුව ඇත. 

ඔහු සිදුකර ඇත්තේ වරදකි. නමුත් මෙයට වඩා දහස් ගන්නනින් කුඩු මෙරටට ගෙන්වන්නෝ සහ බෙදාහරින්නෝ සිටි. ඔවුන්ට නීතිය මෙසේ ක්‍රියාත්මක නොවන්නේ මන්ද?

සෑම විටම සිදුවන්නේ පහත තැනින් ජලය ගලා යෑම මෙන් පොලිසියේ අසහනයද පීඩිත පන්තියෙන් පිටමන් කිරීමය.

එම වීඩියෝව බලන්න පහතින්.
http://www.youtube.com/watch?v=ZyXA2Vtdq94#t=137